മനുഷ്യന്‍ ഗര്‍ഭ പാത്രത്തില്‍ രൂപം കൊള്ളുമ്പോള്‍ തന്നെ അവനെ നയിക്കാന്‍ അവന്റെ ആത്മാവോടൊപ്പം, അവനു ജന്മം കൊടുക്കുന്നവരില് നിന്നും പകരപ്പെടുന്ന, ദൈവത്തിന്റെയോ പിശാചിന്റെയോ ഒരു ആത്മാവും കൂടെയുണ്ട്!! ചിലര്‍ പിശാചിന്റെ ആത്മാവിനാല്‍ ജന്മനാ നയിക്കപെടുന്നവര്‍, മറ്റു ചിലര്‍ ദൈവാത്മാവിനാല്‍ ജന്മനാ നയിക്കപെടുന്നവര്‍!! ദൈവാത്മാവിന്റെ കൂടെ ജന്മനാ ഉള്ളവര്‍ പാപത്തില് വീണാലും വചനം കേള്‍ക്കുമ്പോള്‍ മാനസാന്തരപെട്ടു വേഗം രക്ഷ പ്രാപിക്കുന്നവര്‍!! അവര്‍ ആടുകള്‍!! "ദൈവാത്മാവിനാല്‍ നയിക്കപെടുന്നവര്‍ എല്ലാം ദൈവത്തിന്റെ പുത്രന്‍മാരാണ്" (റോമ8:14). അപ്പോള്‍ പിശാചിന്റെ ആത്മാവിനാല്‍ നയിക്കപെടുന്നവര്‍ പിശാചിന്റെ മക്കള്‍ തന്നെ!! കളകള്‍, ചെന്നായിക്കള്‍, പന്നികള്‍ തുടങ്ങിയ പേരുകളില് ദൈവവചനം അവരെ വിളിച്ചിരിക്കുന്നു!!

"ആദത്തിന്റെ ജീവിതകാലം തൊള്ളായിരത്തിമുപ്പത് വര്ഷ്മാണ് അതിനു ശേഷം അവന് മരിച്ചു" (ഉല്പത്തി 5:5). ഇക്കാലഘട്ടത്തില് ആദത്തിനു ഹവ്വയില് ധരാളം ആണ്‍മക്കളും പെണ്‍കുട്ടികളും ജനിച്ചു!! ദൈവാത്മാവിനാല് നയിക്കപ്പെട്ട അവസ്ഥയില് അവര്  ആയിരുന്നപ്പോള്  ജനിച്ച, ആബേലിനെ പോലെയുള്ള  ദൈവ പുത്രന്മാരും പുത്രിമാരും!! പിശാച്ചിന്റെ ആത്മാവിനാല് അവര്  നയിക്കപ്പെട്ട അവസ്ഥയില് ആയിരുന്നപ്പോള്  ജനിച്ച, കായേനെ പോലെയുള്ള   പൈശാചിക പുത്രന്മാരും പുത്രിമാരും!!അവര് ദൈവിക ചൈതന്ന്യമില്ലാത്ത- ലോകത്തിന്റെ  മനുഷ്യര്!! 

ഹാബേലിനെ പോലെയുള്ള മനുഷ്യര് ദൈവ സ്നേഹത്തില് നടന്നപോള്, കായേനെ പോലെയുള്ള മനുഷ്യര് പിശാചിന്റെ പ്രേരണയാല് കുലപാതകം പോലും ചെയ്ത് പൈശാചിക സ്നേഹത്തില് നടന്നു !! "നിങ്ങള് നിങ്ങളുടെ പിതാവായ പിശാചില് നിന്നുള്ളവരാണ്. നിങ്ങളുടെ പിതാവിന്റെ ഇഷ്ട്ടമനുസരിച്ച് പ്രവര്ത്തിക്കാന് നിങ്ങള് ആഗ്രഹിക്കുന്നു. അവനാകട്ടെ ആദിമുതല് കൊലപാതകിയാണ്‌" (യോഹന്നാന് 8:44). ഭൂമിയില് മനുഷ്യല് പിശാചുവിതച്ച ആദ്യകള (ചെന്നായി) കയേനാണ്!! അവനാണ് ആദ്യകുലപതകി!! "കായേന് തിന്മയുടെ സന്തതി.. .." (1 യോഹ3:12).

ആദത്തിന്റെയും ഹവ്വയുടെയും മക്കള് തമ്മില് ചേര്ന്നു ഭൂമിയിലു മനുഷ്യര് പെരുകിവര്ദ്ധിച്ചു!!

"മനുഷ്യര് ഭൂമിയില് പെരുകാന് തുടങ്ങുകയും അവര്ക്ക് പുത്രിമാര് ജനിക്കുകയും ചെയ്തപ്പോള് മനുഷ്യപുത്രിമാര് ആഴക്കുള്ളവരാണ് എന്നുകണ്ട ദൈവപുത്രന്മാര് തങ്ങള്ക്ക് ഇഷ്ട്ടപ്പെട്ടവരെഎല്ലാം ഭാര്യമാരായി സ്വീകരിച്ചു." (ഉല്പത്തി6:1,2). പിശാചിന്റെ  ആത്മാവിനാല് നയിക്കപ്പെട്ട പൈശാചികമക്കള്ക്ക്  ലോകപരമായി   സൗന്ദര്യം കൂടുതല് എന്നുകണ്ട ദൈവമക്കള് പിശാചിന്റെ മക്കളെ വിവാഹം കഴിച്ചു!! അങ്ങനെ മനുഷ്യകുലത്തില് ലോകത്തിന്റെ മക്കളും ദൈവത്തിന്റെ മക്കളും ഇടച്ചേര്ന്നു!! അങ്ങനെ കുടുംബകലഹവും തുടങ്ങി !! ഭാര്യാ ഭര്ത്താക്കന്മാര് തമ്മില് കുടുംബങ്ങളില് പ്രശ്നങ്ങള് ഉണ്ടാകാന് കാരണം വിരുദ്ധ അത്മശക്തികളാല് നയിക്കപ്പെടുന്നവര് തമ്മിലുള്ള വിവാഹമാണ് !!

ദൈവമക്കളും പിശാചിന്റെ മക്കളും വിവാഹബന്ധത്തില് എര്പ്പെട്ട്‌ അശുദ്ധരായതിനെ തുടര്ന്നു,  കര്ത്താവ് പറഞ്ഞു: എന്റെ ചൈതന്യം മനുഷ്യനില് എന്നേയ്ക്കും നിലനില്ക്കുകയില്ല!! അവന് ജഡമാണ്. അവന്റെ ആയുസ് നൂറ്റിയിരുപതു വര്ഷമായിരിക്കും" (ഉല്പത്തി6:3). ദൈവമക്കളിലെ ദൈവചൈതന്യം അങ്ങനെ നഷ്ടമായി, അവരും അങ്ങനെ 120 കളില് മരിക്കാനും തുടങ്ങി!!

യേശുക്രിസ്തു ഭൂമിയില് വന്നത് പാപം ചെയ്തു പിശാചിന്റെ പിടിയിലായ ആടുകളെ രക്ഷിക്കാന്!! "ഇസ്രായില്‍ ഭവനത്തിലെ നഷ്ട്ടപ്പെട്ട ആടുകളുടെ അടുത്തെക്ക് മാത്രമാണു ഞാന്‍ അയക്കപ്പെട്ടിരിക്കുന്നത്" (മത്തായി15:24). ആടുകള്‍! "ഇസ്രായില്‍ ഭവനം" അതായത്, ദൈവം തിരഞ്ഞെടുത്ത ദൈവാത്മാവിനാല് ജനിക്കപെട്ട മനുഷ്യര്
ദൈവത്തിന്റെ   ആദ്യജാത ജനം (പുറപ്പാട് 4:23)!! അവര് എല്ലാ മതങ്ങളിലും, ജാതികളിലും, വര്‍ഗങ്ങളിലുമുണ്ട്!! "ഈ തൊഴുത്തില്പ്പെടാത മറ്റാടുകളും എനിക്കുണ്ട്" (യോഹന്നാന്  10:16).  "ആടുകള് അവന്റെ സ്വരം കേള്ക്കുന്നു. അവന് തന്റെ ആടുകളെ പേര്ചൊല്ലി വിളിക്കുകയും പുറത്തെക്ക് നയിക്കുകയും ചെയ്യുന്നു" (യോഹന്നാന് 10:3).

യേശുവന്നത് മനുഷ്യരെ എല്ലാം ഒരുമിച്ചു ചേര്ക്കാന് എന്ന് ആരും ധരിക്കരുത്!! "ഭൂമിയില് സമാധാനമാണ് ഞാന് കൊണ്ടുവന്നിരിക്കുന്നത് എന്ന് നിങ്ങള് വിചാരിക്കരുത്; സമാധാനമല്ല, വാളാണ്‌ ഞാന് കൊണ്ടുവന്നിരിക്കുന്നത്. എന്തെന്നാല് ഒരുവനെ തന്റെ പിതാവിനെതിരായും മകളെ അമ്മയ്ക്ക് എതിരായും മരുമകളെ അമ്മായി യമ്മയ്ക്കെതിരായും ഭിന്നിപ്പിക്കാനാണ് ഞാന് വന്നിരിക്കുന്നത്, സ്വന്ത കുടുംബത്തില്പ്പെട്ടവര് തന്നെയായിരിക്കും ഒരുവന്റെ ശത്രുക്കള്" (മത്തായി 10:34 - 36).  ഭൂമിയില് ജനിക്കുന്ന എല്ലാ മനുഷ്യരും നിത്യരക്ഷയിലേക്കുള്ളവരല്ല! "അവര് നമുക്കുള്ളവരായിരുന്നില്ല" (1യോഹ 2:19).
യേശുവന്നത് ഒരിക്കല് കൂടികലര്ന്നു പോയ ദൈവമക്കളെ നിത്യജീവന് കൊടുത്ത് പൈശാചിക മക്കളില് നിന്നും വേര്തിരിക്കുവാനാണ്!! അവിടുന്ന് കൊണ്ടുവന്ന "വാള്" (ദൈവ വചനം) ഈ ക്രിയ ചെയ്തു കൊള്ളും!! സംശയം ഉള്ളവര് ഈ വാള് എടുത്ത് പ്രയോഗിക്കുക!! പിശാച്ചിന്റെ മക്കള് ഭിന്നിച്ചു മുറിയും!! അത് സ്വന്ത ഭവനത്തില് ആണെങ്കില് പോലും!! ആ തിരിവ് ദൈവത്മാവിലാണ് നടക്കുന്നത്!!

ദൈവമക്കളെ, പിശാചും  പിശാചിന്റെ മക്കളും അവകാശം(പോയിന്റ്)   പറഞ്ഞു പിടിക്കാതിരിക്കാന്; പിശാചിന്റെ  ആത്മാവിനാല് അവര്  നയിക്കപ്പെടാതിരിക്കാന് ശ്രദ്ധിക്കണം!! അവന്റെ ആത്മാവിനാല് നയിക്കപ്പെടുന്ന പ്രവര്ത്തനങ്ങള് അവര് നടത്തരുത്! ഉദാ: തെറിപറയാന് പ്രേരണ ലഭിച്ചാല് തെറിവിളിക്കരുത്! കളവ് നടത്താന് പ്രേരണലഭിച്ചാല് കളവു നടത്തരുത്! വഞ്ചന നടത്താന് പ്രേരണലഭിച്ചാല് വഞ്ചിക്കരുത്! പ്രകോപനമോ പ്രലോഭനമോ ഉണ്ടായാലും അവഗണിക്കണം! ദൈവമക്കള് വിവേകത്തോടെ ഇടപെടണം ഉദാ: കള്ളനോടു സത്യം തുറന്നു പറഞ്ഞു കെണിയില് വീഴെരുത്!   ദൈവമക്കള് സര്പ്പങ്ങളെപോലെ വിവേകികളും പ്രാവുകളെപോലെ നിഷ്കളങ്കരുമായിരിക്കാന് ശ്രമിക്കണം ..


ചെന്നായികള്‍ അഥവാ കളകള്‍  മാനസാന്തരപ്പെട്ട് യേശുവില്‍ വിശ്വസിക്കണമെങ്കില്‍ പിതാവായ ദൈവം പ്രിത്യേകമായി  ഇടപെടണം!! "നല്ല വിത്ത് രാജ്യത്തിന്റെ പുത്രന്മാരും കളകള്‍ ദുഷ്ട്ടന്റെ പുത്രന്മാരുമാണ്. അവ വിതച്ചത് പിശാചാണ്" (മത്തായി 13:38). ആത്മാക്കളെ വിവേചിച്ചു അറിയാന്‍ കഴിവില്ലാത്തവര്‍ ചെന്നായിക്കളോട് പൊയ് സുവിശേഷം പറഞ്ഞു അവയുടെ കടിയേറ്റു നശിക്കാരുണ്ട്!!

"നിങ്ങളുടെ മുത്തുകള്‍ പന്നികള്‍ക്ക്‌ ഇട്ടു കൊടുക്കരുത്, അവ അത് ചവിട്ടി നശി പ്പിക്കുകയും തിരിഞ്ഞു നിങ്ങളെ അക്ക്രമിക്കുകയും ചെയ്തേക്കാം." (മത്തായി 7:6).

"ഇടുങ്ങിയ വാതിലിലൂടി പ്രവേശിക്കുവിന്‍, വിനാശത്തിലേക്ക് നയിക്കുന്ന വാതില്‍ വിസൃതവും വഴി വിശാലവുമാണ്. അതിലെ കടന്നു പോകുന്നവര്‍ വളരെയാണ്‌താനും. എന്നാല്‍, ജീവനിലേക്ക് നയിക്കുന്ന വാതില്‍ ഇടുങ്ങിയതും വഴി വീതി കുറഞ്ഞതുമാണ്. അത് കണ്ടെത്തുന്നവരോ ചുരുക്കം" (ലൂക്കാ 13:24 ).

കളകള്‍, ചെന്നായിക്കള്‍ തുടങ്ങിയവരുടെ ജീവിതം വിശാലമാണ്, അവര്‍ക്ക് ആത്മീയ ജിവിതമോ അതിന്റെ ഞെരുക്കങ്ങളോ ദു:ഖങ്ങളോ ഇല്ല!! ഇനി അത്തരക്കാര്‍ക്കു ഞെരുക്കങ്ങളോ ദു:ഖങ്ങളോ ഉണ്ടെങ്കില്‍ത്തന്നെ അത് അവരുടെ സ്വാര്‍ത്ഥ മോഹങ്ങളില്‍ നിന്നുമാണ്!! അത് അവരെ നിത്യ ജീവനിലേക്ക് നയിക്കുന്നുമില്ല!! എന്നാല്‍, യേശു പഠിപ്പിച്ച ആത്മീയ ജീവിതം നടത്തുന്നവര്‍ക്ക് ലോകത്തില്‍ ഞെരുക്കങ്ങള്‍ ഉണ്ട്!!

"അവര്‍ എന്നെ പീഡിപ്പിച്ചു എങ്കില്‍ നിങ്ങളെയും പീഡിപ്പിക്കും" (യോഹന്നാന്‍ 15:20). ലോകമക്കള്‍ ഒരു കാരണവും കൂടാതെ യേശുവിനെ പിന്തുടരുന്നവനെ വെറുക്കും, അതാണ് അടയാളം !! യേശുവിന്റെ വചനം പലിച്ചതിന്റെ പേരില്‍ നിങ്ങള്ക്ക് ലോക മക്കളുടെ എതിര്‍പ്പ് ഇല്ലെങ്കില്‍ എന്തോ തകരാറ് നിങ്ങളുടെ വിശ്വാസജീവിതത്തില്‍ ഉണ്ട് എന്ന് മനസിലാക്കാം!! 
"ശാരീരിക രീധിയില് ജനിച്ചവന് ആത്മാവിന്റെ ശക്തിയാല് ജനിച്ചവനെ അന്നു പീഡിപ്പിച്ചു. ഇന്നും അതുപോലെയാണ്"(ഗലാത്തിയ 4:29). 


"ഇനിമേല് ഞാനല്ല ജീവിക്കുന്നത്. ക്രിസ്തുവാണ് എന്നില് ജീവിക്കുന്നത്" (ഗലാത്തിയ 2:20). പൂര്ണ്ണമായി  മനുഷ്യനിലെ "ഞാന്", "എനിക്ക്", "എന്റേത്" എന്ന  തരത്തിലുള്ള സ്വാര്ത്ഥ ചോദനകള് പൂര്ണ്ണമായും  നശിച്ച്, അവന് പൂര്ണ്ണമായി  ക്രിസ്തുവില് ജീവിക്കുമ്പോള് അവനില് കൂടെ സംസാരിക്കുന്നതും പ്രവര്ത്തിക്കുന്നതും ദൈവം തന്നെ! അങ്ങനെ; "നിങ്ങള് ദൈവങ്ങളാണ്; നിങ്ങളെല്ലാവരും അത്യന്നതന്റെ മക്കളാണ്" (സങ്കീര്ത്തനം 82:6). (യോഹന്നാന് 10:34). എന്ന തിരുവെഴുത്ത്  നിറവേറപ്പെടുന്നു! പൂര്ണ്ണമായും പിശാചിന്റെ ശക്തിയും ജ്ഞാനവുമായ എതിര് ക്രിസ്തുവിന്റെ ആത്മാവില് നയിക്കപ്പെടുന്ന പിശാചുക്കളും മനുഷ്യരുടെ രൂപത്തില് ഭൂമിയില് ജീവിക്കുന്നുണ്ട്! 

Post a Comment

Author Name

Contact Form

Name

Email *

Message *

Powered by Blogger.