This website comprises chapters from the book, "The Bible Secrets" (Malayalam).

03/13/14




"യേശു പ്രസoഗിക്കാന് തുടങ്ങി; മാനസാന്തരപ്പെടുവിന്; സ്വര്ഗ്ഗരാജ്യം സമീപിച്ചിരിക്കുന്നു" (മത്തായി4:17). പാപബന്ധനത്തില് കുടുങ്ങി, ഭൂമിയില് പിശാച്ചിന്റെ രാജ്യത്തിലും, ജഡമരണശേഷം അവന്റെ അത്മീരാജ്യമായ നരകത്തിനും അവകാശികളായി കഴിഞ്ഞിരുന്ന മനുഷ്യരെ രക്ഷിക്കാന് ദൈവം അവിടുത്തെ രാജ്യമായ ദൈവരാജ്യം ഭൂമിയില് സ്ഥാപിച്ചു! അവിടുന്ന് സ്വയം മനുഷ്യനായി അത് ആദ്യം യേശുവില് ഭൂമിയില് സ്ഥാപിച്ചു! യേശുക്രിസ്തുവിനെ സ്നേഹിക്കുന്ന ഓരോ മനുഷ്യരിലും ദൈവംപരിശുദ്ധ ആത്മാവിലൂടെ ദൈവരാജ്യം ഭൂമിയില് സ്ഥാപിച്ചുകൊണ്ടേയിരിക്കുന്നു!

ക്രിസ്തു ആദത്തിനെയും ഹവ്വയെയും ഭൂമിയില് സ്രഷ്ട്ടിച്ച്‌ അവരിലൂടെ ഭൗതികലോകത്തില് ദൈവരാജ്യം സ്ഥാപിച്ചു (ദൈവം രാജാവായി വാഴുന്ന രാജ്യം) എന്നാല് ആദി മാതാപിതാക്കള് പിശാച്ചിനെ അനുസരിച്ചതിനാല് ദൈവരാജ്യത്തില് നിന്ന് പുറത്തായി! എന്നാല്, ക്രിസ്തു മനുഷ്യനായി യേശുവില് ദൈവ കലപ്പനകള് തെറ്റിക്കാതെ ദൈവ ഭക്തിയില് ഭൂമിയില് മനുഷ്യജീവിതം തികച്ച് വീണ്ടും തന്നിലൂടെ ആദി മാതാപിതാക്കള് നഷ്ട്ടപ്പെടുത്തിയ ദൈവരാജ്യം എന്ന അത്മീയരാജ്യം ഭൂമിയില് മനുഷ്യര്ക്കിടയില് വീണ്ടും സ്ഥാപിച്ചു!

യേശുക്രിസ്തുവിലൂടെ ദൈവരാജ്യത്തില് പ്രവേശിക്കുക എന്നാല്, യേശു ക്രിസ്തുവിന്റെ പരിശുദ്ധ ആത്മാവില് പ്രവേശിക്കുക എന്ന് അര്ഥം!! "ദൈവരാജ്യമെന്നാല് ഭക്ഷണവും പാനിയവു മല്ല; പ്രത്യുത നീതിയും സമാധാധാനവും പരിശുദ്ധ ആത്മാവില് ഉള്ള സന്തോഷവുമാണ്" (റോമ14:17). 


അനീതിയോടും  അസമാധാനത്തോടെയും പൈശാചിക ആത്മാവിലുള്ള സന്തോഷത്തിലോ ദുഃഖത്തിലോ ആയിരിക്കുന്നതാണ്  ഭൂമിയിലെ പൈശാചിക രാജ്യം! 

"ദൈവരാജ്യം വാക്കുകളിലല്ല ശക്തിയിലാണ്" (1 കോറി 4:20). ബൈബിളിലെ വാക്കുകള്ക്ക് ദൈവ രാജ്യത്തില് പ്രവേശിക്കാനുള്ള വഴി പറഞ്ഞു തരുവാന് കഴിയും. എന്നാല്; ബൈബിളിലെ വചനങ്ങളിലെ ആത്മാവ് മനുഷ്യനെ ദൈവ രാജ്യത്തില് പ്രവേശിപ്പിക്കുന്നു! വചനങ്ങളിലെ ആത്മാവിനെ ദൈവ രാജ്യത്തില് പ്രവേശിക്കാന് മനുഷ്യര് സ്വീകരിക്കണം! മറിച്ചു, ബൈബിളിലെ അക്ഷരങ്ങളെയല്ല! ബൈബിളിലെ വാക്കുകള്ക്ക് പരിഭാഷകളില് വിറ്റ്യാസമുണ്ടെങ്കിലും ബൈബിളിലെ വചനങ്ങളിലെ ആത്മാവിന് വിറ്റ്യാസമില്ല! ആത്മവിറ്റ്യാസമുള്ള പുസ്തകങ്ങള് ദൈവ വചനത്തിന്റെ ഭാഗമല്ല! എഴുത്തിലെ ആത്മാവിനെ മനുഷ്യര് മനസിലാക്കുവാന് പഠിക്കേണം. ഉദാ: കവിത എഴുതുന്ന കൊച്ചുകുട്ടികള്ക്ക് പോലും അറിയാം കവിതയിലെ ആത്മാവ്!   എഴുത്തുകാരനെ നയിക്കുന്ന ആത്മാവ്‌ കവിതയിലും ഉണ്ടാകും!

"ദൈവരാജ്യത്തിന്റെ സുവിശേഷം പ്രസoഗിക്കപ്പെടുന്നു. എല്ലാവരും ബലം പ്രയോഗിച്ച് അതില് പ്രവേശിക്കുന്നു." (ലൂക്കാ 16:16) ദൈവ രാജ്യത്തില് പ്രവേശിക്കണം എങ്കില് മനുഷ്യന് ബലം (മാനസികബലം) പ്രയോഗിക്കേണ്ടി യിരിക്കുന്നു! കാരണം, മനുഷ്യന് സ്വതവേ പിശാച്ചിന്റെ രാജ്യത്തില് വസിക്കാനാണ് താല്പര്യം! എന്നാല്, മനുഷ്യന് ആത്മബലം പ്രയോഗിച്ചു വേണം യേശു ക്രിസ്തുവിന്റെ കല്പ്പനകള് അനുസരിച്ച് അവിടുന്ന് പഠിപ്പിച്ച ദൈവ ആരാധനയിലേക്ക് മനസന്ധരപ്പെട്ട് കടന്നു വന്ന് ദൈവ രാജ്യത്തില് പ്രവേശിക്കുവാന്! നിര്ഭാഗ്യവശാല് പല മനുഷ്യര്ക്കും അതിനുള്ള മാനസിക ബലം ഇല്ല! അവര് സാമൂഹിക ബന്ധനങ്ങളിലും, രക്ത ബന്ധനങ്ങളിലും മറ്റു സ്നേഹ ബന്ധനങ്ങളിലും, മാനുഷിക മത നിയമങ്ങളിലും, പാരമ്പര്യങ്ങളിലും കുടുങ്ങി രക്ഷപ്പെടാനാവാതെ കിടക്കുന്നു! പിശാച്ച് ബലമായി അവരെ അവന്റെ രാജ്യത്തില് പിടിച്ചു വച്ചിരിക്കുന്നു!

പൈശാചിക ശക്തിയാലും  ജ്ഞാനത്താലും നയിക്കപ്പെട്ടുകൊണ്ടിരിക്കുന്ന, "വ്യഭിചാരിക്കും അശുദ്ധനും അത്യാഗ്രഹിക്കും വിഗ്രഹാരാധകനും - ദൈവത്തിന്റെയും ക്രിസ്തുവിനെയും രാജ്യത്തില് അവകാശമെല്ലെന്നു നിങ്ങള് അറിഞ്ഞുകൊള്ളുവിൻ" (എഫേസോസ് 5:5). അതുപോലെതന്നെ; "അസന്മാര്ഗ്ഗികളും, വിഗ്രഹാരാധകരും വ്യഭിചാരികളും സ്വവര്ഗ്ഗഭോഗികളും, കള്ളന്മാരും, അത്യാഗ്രഹികളും, മദ്യപന്മാരും, പരദൂഷകരും, കവര്ച്ചക്കാരും ദൈവരാജ്യം അവകാശമാക്കുകയില്ല." (1കോറി6:9,10). അതിനാലാണ് ദൈവരാജ്യത്തെകുറിച്ച് പ്രസംഗിക്കുന്നവര് ഇവയ്ക്കെതിരെ കര്ശന നിലപാട് എടുക്കുന്നത്!

"ദൈവാത്മാവിനെ കൊണ്ടാണ് ഞാന് പിശാച്ചുക്കളെ ബഹിഷ്ക്കരിക്കുന്നതെങ്കില്, ദൈവരാജ്യം നിങ്ങളില് വന്നു കഴിഞ്ഞിരിക്കുന്നു" (മത്തായി 12:28). ദൈവാത്മാവില് സുവിശേഷം പറയുന്നവര് അവരില് വ്യാപരിക്കുന്ന ദൈവാത്മാവിന്റെ ശക്തിയാല് പിശാചിനെ മറ്റു മനുഷ്യരില് നിന്ന് പുറത്താക്കി ദൈവാത്മാവിനെ അവരില് നിവേശിപ്പിച്ചു അവരെ പിടിച്ചു ദൈവരാജ്യത്തില് ചേര്ക്കുന്നു!

"പ്രത്യക്ഷ്മായ അടയാളങ്ങളോടെയല്ല ദൈവരാജ്യം വരുന്നത്. ഇതാ ഇവിടെ, അതാ അവിടെ എന്നാരും പറയുകയുമില്ല. എന്തെന്നാല് ദൈവരാജ്യം നിങ്ങളുടെ ഇടയില് തന്നെയുണ്ട്" (ലൂക്ക 17:21). ദൈവത്തിന്റെ (പരിശുദ്ധ ആത്മാവിന്റെ ഭരണത്തില് കീഴില് ജീവിക്കുന്ന മനുഷ്യരെ അടയാളങ്ങളോടെ തിരിച്ചറിയാന് ആവുകയില്ല!

"സത്യം സത്യമായി ഞാന് നിന്നോട് പറയുന്നു, ജലത്താലും ആത്മാവിനാലും ജനിക്കുന്നില്ല എങ്കില് ഒരുവനും ദൈവ രാജ്യത്തില് പ്രവേശിക്കുക സധ്യമല്ല" (യോഹന്നാന് 3:5). പ്രിയ സഹോദരാ / സഹോദരി താങ്കള് യേശുക്രിസ്തു ഭൂമിയില് സ്ഥാപിച്ച ദൈവ രാജ്യത്തിലാണോ? നിങ്ങളെ നയിക്കുന്നത് ക്രിസ്തുവാണോ? അതെയെങ്കില്  അവന് പറഞ്ഞു: "മരിച്ചവര് തങ്ങളുടെ മരിച്ചവരെ സംസകരിക്കട്ടെ; നീ പോയി ദൈവരാജ്യം പ്രസംഗിക്കുക" (ലൂക്ക 9:60).



പരിശുദ്ധ ആത്മാവും; അശുദ്ധ ആത്മാവും; മനുഷ്യരിലേക്ക് പകരുന്ന വിധങ്ങള്!

അശുദ്ധ ആത്മാവിന് മനുഷ്യരിലൂടെയും, പക്ഷി -മൃഗങ്ങളിലൂടെയും, വസ്തുകളിലൂടെയും, ദുഷ്ചിന്തകളിലൂടെയും, ദുഷിച്ച സംസാരം കേള്ക്കുന്നതിലൂടെയും മറ്റു പഞ്ചെന്ദ്രിയ പ്രവര്ത്തനങ്ങളിലൂടെയും, ചില പ്രിത്യേക സഥലങ്ങളിൽ മനഃപൂർവ്വം വസിക്കുന്നത് വഴിയും മനുഷ്യരിലേക്ക് കടന്നുകൂടുവാന് സാധിക്കും! ഇങ്ങനെയുള്ള വഴികളിലൂടെ മറ്റുള്ളവിയില് ആവസിച്ചിരിക്കുന്ന നെഗറ്റിവ് ശക്തി മനുഷ്യരിലേക്ക്  കടന്നു വരുന്നു! വസ്തുകളിലും പിശാചിന് ആവസിക്കുവാന് സാധിക്കും!

"നിന്ദ്യമായ ഒരു വസ്തുവും വീട്ടിലേക്ക് കൊണ്ടുവരെരുത്" (നിയമാവര്ത്തനം7:25,26), (ജോഷ്വ 7:1&13), (അപ്പ:പ്ര.19:19).  അശുദ്ധി ഉള്ള വസ്തുക്കള് വീട്ടില് കൊണ്ട് വന്നാല് അതില് വസിക്കുന്നവര് എത്ര മാനസിക ബലം ഉള്ളവരെങ്കിലും അശുദ്ധമനസ് അതായത് പരിശുദ്ധ ആത്മാവ് ഉള്ളില് ഇല്ലാത്തവര് എങ്കില് ആ മനുഷ്യരിലേക്ക് അവ കടന്നു കയറും! ചിലതരം വസ്തുകള് വച്ചുള്ള ആഭിചാരം ഇതിന് ഉദാഹരണമാണ്. ഇവയെ ആത്മശക്തിയാല് ഒരു ക്രിസ്തു ശിഷ്യന് നിഷ്പ്രയാസം തിരിച്ചറിഞ്ഞു ബന്ധിക്കുകയോ നശിപ്പിക്കുകയോ ചെയ്യാം! എങ്കിലും; അവയ്ക്ക് ഒരു നിശ്ചിത ആവാസ സമയം ദൈവത്താല് അനുവദിക്കപെട്ടിട്ടുണ്ടോ എന്നും! അവയെ പുര്ത്താക്കാന് തക്ക ദൈവശക്തി തന്റെ മേല് ഉണ്ടോ എന്നും, തനിക്ക് എന്തെങ്കിലും ബലഹീനതകളോ, തനിക്ക് ഹൃദയ ബന്ധമുള്ളവരിൽ എന്തെങ്കിലും പാപബന്ധനം ഉണ്ടോ എന്നും ക്രിസ്തു ശിഷ്യൻ പരിശോധിച്ചിരിക്കണം! ഇവ ഉണ്ടെന്ന് കണ്ടാൽ ഇവയോട് ഇടപ്പെട്ടു സ്വയം നശിക്കാതിരിക്കുകയാണ് ഉത്തമം! ശക്തരായ ശിഷ്യന്മാരുടെ സഹായം തേടുക! കാരണം; പലതരം ശക്തികളുള്ള പിശാചുക്കളുണ്ട്! 

"......... അശുദ്ധമായതൊന്നും നിങ്ങള് തൊടുകയുമരുത്; അപ്പോള് ഞാന് നിങ്ങളെ സ്വീകരിക്കും"(2 കോറി 6:17)"അശുദ്‌ധ വസ്‌തുക്കളെ സ്‌പര്‍ശിക്കരുത്‌...."(ഏശയ്യാ 52:11). "കര്‍ത്താവ്‌ എന്നോട്‌ അരുളിച്ചെയ്‌തു: ഈ സ്‌ഥലത്തുവച്ചു നീ വിവാഹംകഴിക്കുകയോ നിനക്കു മക്കളുണ്ടാവുകയോ അരുത്‌." (ജറെമിയ 16:1,2).

"അശുദ്ധാല്മാക്കള് പുറത്തുവന്ന് പന്നികൂട്ടത്തില് പ്രവേശിച്ചു." (മാര്ക്കോസ്5:13). ആശുധത്മാക്കള്ക്ക് മനുഷ്യരില് നിന്ന് പക്ഷിമൃഗാതികളിലേക്കും അവയില് നിന്ന് തിരിച്ചു മനുഷ്യരിലേക്കും കടക്കാം! ഭയം ഉള്ളവര് അശുദ്ധ ആത്മാകള് ഉള്ള സാഹചര്യങ്ങള് ഒഴിവാക്കുക ഉചിതം! ഭയത്തിലൂടെ പിശാചിന് മനുഷ്യരിലേക്ക് കടക്കുവാന് കഴിയും!വസ്തുകളെ സ്നേഹിച്ചാല് അതിലൂടെ പിശാച്ച് നിഷ്പ്രയാസം മനുഷ്യനില് കടക്കുന്നു! "ലോകത്തെയോ ലോകത്തിലുള്ള വസ്തുകളെയോ നിങ്ങള്‍ സ്നേഹിക്കരുത്" (1യോഹന്നാന്‍ 2:15). നാം ഉപയോഗിക്കുന്ന വസ്തുകളെ നമ്മുടെ ഹൃദയം കൊണ്ട് സ്നേഹിക്കരുത്! ഏതെങ്കിലും വസ്തു നഷ്ട്ടപെടുമ്പോള് താങ്കള്ക്ക് ഹൃദയത്തില് വേദന ഉണ്ടാകുന്നു എങ്കില്; താങ്കള് ആ വസ്തുവിനെ ഹൃദയം കൊണ്ട് സ്നേഹിച്ചിരുന്നു എന്ന് മനസിലാക്കാം!

മനുഷ്യരില് നിന്നും മനുഷ്യരിലേക്ക് മാനസിക അടിമത്വo, പരസ്പര സ്നേഹം, ചിന്ത, പഞ്ചെന്തര്യങ്ങള് കൊണ്ടുള്ള പ്രവര്ത്തനം, പാരമ്പര്യം etc.. ഇവയില് കൂടെ പൈശാചിക ശക്തിയും ജ്ഞാനവും പകരപ്പെടുന്നു! കാണുക, കെള്ക്കുക, ഭക്ഷിക്കുക, സ്പര്ശിക്കുക, മണക്കുക, മുതലായ തരത്തിലും! എന്നാല്; പഞ്ച ഇന്ദ്രിയങ്ങളെ പാപ സ്വഭാവത്തില് ജയിച്ചു നില്ക്കുന്ന ക്രിസ്തു ശിഷ്യന് ഇവ ബാധകം അല്ല! എങ്കിലും ക്രിസ്തു ശിഷ്യന് വ്യക്തമായ വേര്പാടും വിശുദ്ധിയും തങ്ങളാല് ആവത്‌ പാലിക്കേണ്ടതായും വരുന്നു!

ദൈവാത്മാവ് വിശുദ്ധ സ്നേഹത്തിലൂടെ ആ ആത്മാവ് ആവസിച്ചിരിക്കുന്ന മനുഷ്യരില് നിന്നും, ദൈവത്തില് നിന്ന് നേരിട്ടും, ദൈവവചന ദ്യാനത്തിലൂടെയും പകരപ്പെടുന്നു! അത് അവരുമായി ആശയ വിനിമയം ചെയ്യുമ്പോഴോ. അവരുമായുള്ള പഞ്ച ഇന്ദ്രിയങ്ങള് ഉപയോഗിച്ചുള്ള പ്രവര്ത്താലോ നടക്കുന്നു! ഉദാ: പറയുകയാണെങ്കില് പിശാച് വസിക്കുന്ന മനുഷ്യര് പറയുന്ന സംസാരം ശ്രവിക്കുമ്പോള് അതിലൂടെ പിശാചിന്റെ കടന്നുവരവിനും! ദൈവാത്മാവ് ഉള്ള മനുഷ്യര് പറയുന്നത് ശ്രവിക്കുമ്പോള് അതിലൂടെ ദൈവത്മാവും കടന്നു വരുന്നു! "കേട്ട് കൊണ്ടിരുന്ന എല്ലാവരുടെയും മേല് പരിശുദ്ധ ആത്മാവ് വന്നു" (അപ്പ:പ്ര.10:44). അശുദ്ധി ഉള്ള മനുഷ്യര് പുറപ്പെടുവിക്കുന ശബ്ദം കഴിവതും കേള്ക്കരുത്! അത് മനോഹര ഗാനമാണെങ്കില് പോലും! സംശയം ഉള്ളവര്ക്ക് മൈക്കിള് ജാകസനെ പോലെ ഉള്ളവരുടെ പാട്ടുകള് വീടുകളില് ഉറക്കെ വച്ച് കേട്ട് അവിടെ വസിക്കുന്നവര്ക്ക് ഉണ്ടാകുന്ന വ്യറ്റ്യാസം പരിശോധിക്കാവുന്നതാണ്!

പുരോഹിതനോ, പുജാരിയോ, പാസ്റ്ററോ, ഇമാമോ യുക്തിവാദിയോ, മന്ത്രവാദിയോ, മുതലായ ആരായിരുന്നാലും അവർക്കു മുൻപാകെ മാനസികമായി അടിപ്പെട്ട് നിൽക്കുന്നവരിലേക്ക് അവരെ നയിക്കുന്ന ശക്തി കടന്നുകയറി പ്രവർത്തിക്കും!  അതിനാൽ; തന്നെ ഉത്തമ മനുഷ്യർ ഇത്തരം മനുഷ്യർക്ക് മാനസികമായി അടിപ്പെടാതെ; വിവേകപൂർവ്വം മാറിനിന്നു തങ്ങൾക്കുള്ളിൽ ദൈവം പകർന്നു തന്നിരിക്കുന്ന ദൈവത്തിന്റെ ശക്തിയും ജ്ഞാനവുമായ ക്രിസ്തുവിനെ;  ഐശ്വര്യത്തിനും   നിത്യജീവനും വേണ്ടി കാത്തുസൂക്ഷിക്കും!  വർദ്ധിപ്പിക്കും! വിവേകികള് ക്രിസ്തുവുള്ളവരോട് ചങ്ങാത്തം കൂടും! അങ്ങനെ അവർ ക്രിസ്തുവിൽ കൂടുതൽ ശക്തരാകും! പൈശാചിക മനുഷ്യർ; ക്രിസ്തുവുള്ളിൽ ഉള്ളവരോട് കപട സ്നേഹം കാണിച്ചു, അവരെ കൊണ്ട് തിരിച്ചു സ്നേഹിപ്പിച്ചു; അവരിലെ ദൈവശക്തിയും ജ്ഞാനവും ഊറ്റിയെടുത്തു അവരുടെ ദുഷിച്ച പ്രവർത്തികള്ക്കായി ഉപയോഗിക്കുന്നു! "ചില ദുഷ്‌ടമനുഷ്യര്‍ നിങ്ങളുടെയിടയില്‍ കയറിക്കൂടിയിട്ടുണ്ട്‌. അവര്‍ നമ്മുടെ ദൈവത്തിന്റെ  കൃപയെ തങ്ങളുടെ അശുദ്‌ധ ജീവിതത്തിനായി ദുര്‍വിനിയോഗിക്കുകയും.."(യൂദാ 1:4) "നിങ്ങൾ സമചിത്തതയോടെ; ഉണർന്നിരിപ്പിൻ; നിങ്ങളുടെ ശത്രുവായ പിശാച് അലറുന്ന സിംഹത്തെപ്പോലെ  ആരെ വിഴുങ്ങണമെന്ന് അന്വേഷിച്ചുകൊണ്ട് ചുറ്റിനടക്കുന്നു."(1 പത്രൊസ് 5:8).

കേളിവി എന്ന ഇന്ദ്രിയ ജയം നേടിയതിനു ശേഷം മാത്രം പിശാച്ച് വസിക്കുന്ന മനുഷ്യരെ ശ്രവിച്ചു അവരെ മാനസാന്തരപ്പെടുത്താന് പോകുന്നതാണ് ഉത്തമം! എങ്കിലും ഇന്ദ്രിയ ജയങ്ങള് പാപം ചെയ്യാനുള്ള അഗീകാരവും അല്ല! ദൈവത്തിന്റെ മനുഷ്യര്ക്കും ദൈവാത്മാവിനെ പകര്ത്തുന്ന മനോഹര ഗാനങ്ങള് എഴുതാം പാടാം!

ഏത് പ്രവര്ത്തി ചെയ്യുമ്പോളും ആ പ്രവര്ത്തി ചെയ്യുന്ന മനുഷ്യനില് അപ്പോള് വസിക്കുന്ന ആത്മാവ് അതിലൂടെ പ്രവര്ത്തിച്ച് ആ പ്രവര്ത്തിയുടെ മഹത്വം എടുക്കുകയും, മറ്റുള്ളവരിലേക്ക് അതിലൂടെ ചിലപ്പോള് കടക്കുകയും ചെയ്യുന്നു!

പിശാച്ച് ബാധിച്ചിരിക്കുന്നവര്ക്കും സുവിശേഷം പറയാം. എന്നാല്, ആ സുവിശേഷ പ്രവര്ത്തനത്തിലൂടെ പകരപ്പെടുന്ന ശക്തി ആശുദ്ധ ആത്മാവാണ് എന്ന് മാത്രം! ഞാന് നിങ്ങളെ അറിയുന്നില്ല എന്ന് കര്ത്താവ് പറയുന്ന സുവിശേഷകരാണ് അവര്! (മത്തായി 7:22,23), (2കോറി 11:12-15). (മത്തായി 24:24). എന്ത് ശബ്ധം അനുകരിച്ചു എന്നല്ല, അതിലൂടെ എന്ത് തരം ആത്മാവിന്റെ വ്യാപാരം ഉണ്ടാകുന്നു എന്നതാണ് പ്രധാനം! (മാനുഷിക ചിന്ത ഉൾപ്പെടെ എല്ലാപ്രവൃത്തികള്ക്കും ഇത് ബാധകമാണ്). ഇത്തരം ബാദകളെ തിരിച്ചറിഞ്ഞു ജയിക്കാന്, ആത്മാക്കളെ തിരിച്ച് അറിയാനുള്ള വരം അത്യാവശ്യം! കാരണം, പിശാച്ച്‌ പോലും ദൈവവചനം പറയുന്നു, ദൈവ ശബ്ദം പുറപ്പെടുവിക്കുന്നു! 

ദൈവാത്മാവ് മഹത്വപ്പെടുന്ന സുവിശേഷപ്രവര്ത്തനം, ദൈവത്മാവില് നിറഞ്ഞു നിന്നുള്ള സുവിശേഷപ്രവര്ത്തനം തന്നെ!ദൈവാത്മാവ് മനുഷ്യ നിര്മ്മിത വസ്തുക്കളില് ഒരിക്കലും വസിക്കുന്നില്ല!  "പ്രപഞ്ചത്തെയും അതിലുള്ള സകലത്തെയും സൃഷ്ട്ടിച്ചവനും സ്വര്‍ഗത്തിന്റെയും ഭൂമിയുടെയും കര്‍ത്താവുമായ ദൈവം മനുഷ്യന്‍ നിര്‍മ്മിത ആലയങ്ങളിലല്ല വസിക്കുന്നത്" (അപ്പ:പ്ര 17:24). അതിനാല് തന്നെ ലോകത്തിലെ വസ്തുക്കളെ സ്നേഹിക്കാനോ ആരാധിക്കാനോ ദൈവം അനുവദിക്കുന്നുമില്ല!

കുറ്റകൃത്യം നടത്തിയ എഴുപത്തഞ്ചു ശതമാനത്തില് അധികം  ആളുകളും  ചോദിച്ചാല് അവര് പറയും "തങ്ങള്  അറിയാതെയാണ് ആ കുറ്റം ചെയ്തത് എന്ന്" അത് ശരിയാണ്! മനുഷ്യരെ കൊണ്ട് അവര് അറിയാതെ അവരെ സ്വാധീനിച്ചു തിന്മ പ്രവര്ത്തിപ്പിച്ചു,  അവരിലെ ആത്മാവിനെ പിടിച്ചെടുക്കുന്ന ശക്തിയാണ് പിശാച്ച്! അതുകൊണ്ടാണ് യേശു പറഞ്ഞത്: "പിതാവേ, അവരോടു ക്‌ഷമിക്കണമേ; അവര്‍ ചെയ്യുന്നതെന്തെന്ന്‌ അവര്‍ അറിയുന്നില്ല" (ലൂക്കാ 23:34).

പിശാചിക ശക്തിയും ജ്ഞാനവും ചില മനുഷ്യരെ ബന്ധിച്ചു പിടികൂടുവാനുള്ള  ചില കാരണങ്ങള്:-

1.  പിശാച്ചിന്റെ സ്വാധീനത്തിന് അടിപ്പെട്ടിരിക്കുന്ന വരെ ഹൃദയം കൊണ്ട് സ്നേഹിക്കുന്നതുകൊണ്ടോ, അത്തരക്കാര്ക്ക് മാനസികമായി അടിപ്പെട്ടു നില്ക്കുന്നതു കൊണ്ടോ!
2. ദൈവത്തെക്കാള് ഉപരിയായ ലോകമോഹങ്ങള് (ചിലര് ആശ്രയം വയ്ക്കുന്നത് സമ്പത്തിലോ, സ്വന്തശരീരത്തിലോ അന്ന്യരുടെ ശരീരത്തിലോ ആണ്!
3. പാരമ്പര്യം.
4. മനപൂര്വ്വം സ്വന്ത ബുദ്ധിയും കഴിവും ഉപയോഗിച്ച് സ്വന്തമനസാക്ഷിക്കു വിരുദ്ധമായി തെറ്റ് ചെയ്യുന്നത് കൊണ്ട്!
5. മറ്റുള്ളവരുടെ തിന്മയെ പിന്താങ്ങുന്നതിനാല്.
6. അശുദ്ധിയുള്ള ചില വസ്തുക്കള്.

7. ദൈവ വിശ്വാസമില്ലാത്തത് (വെളിച്ചം ഇല്ല എങ്കില് ഇരുട്ട് വിളിച്ചു വരുത്താതെ വരും)

ഇങ്ങനെ പല കാരണങ്ങള് കൊണ്ടും പൈശാചിക ശക്തി ആവാഹിക്കപ്പെടാം; മനുഷ്യരെ നശിപ്പിക്കാം!


ചിലർക്ക് ദൈവാത്മാവ് സംസാരിക്കുന്നതും പ്രജോതിപ്പിക്കുന്നതും അറിയാനേ കഴിയുന്നില്ല എന്ന് പരാതി പറയാറുണ്ട്! എന്നാല്; അത് വളരെ നിസാരമായി അറിയാന് സാധിക്കും, ഉദാഹരണമായി; പൈശാചിക ആത്മാവിനാല് നയിക്കപ്പെടുന്ന ഒരാള് നിങ്ങളെ വളരെ മോശമായ ഒരു വാക്ക് വിളിച്ചു ആക്ഷേപിച്ചു എന്നിരിക്കട്ടെ! അപ്പോള് നിങ്ങള് നിങ്ങളെ തന്നെ ഒന്ന് ശ്രദ്ധിക്കുക, ഒന്നെങ്കില് അയാളെ തിരിച്ചു ആക്ഷേപിക്കാൻ ഒരു പ്രജോതനം ഉണ്ടാകുന്നത് കാണം. അല്ലെങ്കിൽ അയാളോട് തിരിച്ചു പ്രതികാരം ചെയ്യാന് പറയുന്ന ഒരു ശബ്ദം ഉള്ളില് നിന്നോ പുറത്തു നിന്നോ കേള്ക്കാന് സാധിക്കും! അത് പിശാചിന്റെ പ്രജോതനം! അല്ലെങ്കിലും അവന്റെ ശബ്ദം! അത്തരം അവസരങ്ങളില് സുരക്ഷിതമായ അവസ്ഥയിലക്ക് ഒഴിഞ്ഞുമാറാനോ, അയാളോട് ക്ഷമിക്കാനോ, അതുമല്ലെങ്കിൽ ലോക പരമായ തെറ്റു ചെയ്ത അയാളെ, ലോകത്തിന്റെ കോടതിയിലേക്ക്(നിയമത്തിന്റെ പിടിയിലേക്ക് മാറ്റാനോ പറയുന്ന മറ്റോരു ശബ്ദവും കേൾക്കാം, ഇത് ദൈവത്തിന്റെ ശബ്ദം. ദൈവശബ്ദവും പൈശാചിക ശബ്ദവും തിരിച്ചറിയാന്  പരിശീലനം ആവശ്യമുണ്ട്! കാരണം; ചില അവസരങ്ങളില് പൈശാചിക ശബ്ദം; ദൈവശബ്ദം പോലെ തോന്നിയേക്കാം! (യേശുവിനോട് പോലും  പിശാച് ദൈവവചനം  പറഞ്ഞു പോരാടി) ആയതിനാല്; ദൈവം ശബ്ദത്തിന് എപ്പോഴും ഒരു അടയാളം ഓര്ത്തുവയ്ക്കുക! ആതു രഹസ്യമായി സൂക്ഷിക്കുകയും ചെയ്യുക. ഒരിടത്തും എഴുതി വയ്ക്കരുത്. പിശാചിനെ അറിയിക്കരുത്! 

ദൈവത്തിന്റെ ശക്തിയും ജ്ഞാനവും (ക്രിസ്തുവിനെ/ ദൈവപുത്രനെ) ലഭിക്കണമോ? യേശുവിന്റെ സുവിശേഷം ശ്രദ്ധയോടെ കേള്ക്കുകയോ, വായിക്കുകയോ, ദ്യാനിക്കുകയോ ചെയ്തുകൊണ്ടിരിക്കുക! ദൈവാത്മാവിനാൽ നയിക്കപ്പെടുന്നവരുടെ സംസാരം ശ്രവിക്കുക, അവരുടെ സ്‌നേഹം പിടിച്ചുപറ്റുക! ദൈവാത്മാവിനാൽ നയിക്കപ്പെടുന്നവർ എഴുതിയ ദൈവിക കാര്യങ്ങൾ വായിക്കുക ചിന്തിക്കുക! ദൈവാത്മാവിന്റെ ദാനങ്ങൾ ഉള്ളവരിൽ നിന്നും അൽപ്പം ദാഹജലം സ്നേഹത്തോടെ സ്വീകരിച്ചാലും, അതിലൂടെ അവരിലെ ആത്മാവിന്റെ അല്പമായ പ്രവാഹം ഉണ്ടാകും! അതുപോലെ തന്നെ പൈശാചിക ആത്മാവിൽ നിറഞ്ഞവരിൽ നിന്ന് സ്വീകരിച്ചാലും അതിലൂടെ അവരിലെ ആത്മാവ് വ്യാപാരിക്കും! എന്നാൽ, ചന്തയിൽ പണം കൊടുത്തു വാങ്ങിക്കുന്ന സാധനങ്ങൾ ഇതിൽ നിന്നും വിമുക്തമാണ്! കാരണം; ഇവിടെ ഹൃദയ ബന്ധം നടത്തുന്ന സ്നേഹബന്ധം ഇല്ല! വിശ്വസിക്കുന്നവര്ക്ക് യേശുവിന്റെ സുവിശേഷം ദൈവത്തിന്റെ ശക്തിയാണ്!(റോമാ1:16). സുവിശേഷം വഴിയാണ് ആളുകളെ ക്രിസ്തുവില് ജനിപ്പിക്കുന്നത് (1കോറിന്തോസ് 4:15). ആരെങ്കിലും പറഞ്ഞ കാര്യത്തെകുറിച്ച് തുടച്ചയായി ചിന്തിച്ചുകൊണ്ടിരുന്നാൽ അയാളിൽ വസിച്ചു അയാളെ നയിച്ചിരുന്ന ശക്തി; അയാൾ പറഞ്ഞകാര്യം ചിന്തിക്കുന്നവരിലേക്കും കടന്നുവരും! ചില ഉദാ: ഇസ്ലാമിസ്റ്റുകൾ മുഹമ്മദ് പറഞ്ഞകാര്യം തീവ്രമായി ചിന്തിക്കുമ്പോൾ അവർ എന്തൊക്കെ ചെയ്യുന്നു എന്ന് പരിശോധിക്കുക!! ചില മതനേതാക്കളുടെ പ്രസംഗം തുടർച്ചയായി ശ്രവിച്ചാൽ, തളർന്നു കിടന്നവൻ പോലും എഴുന്നേറ്റു കത്തി കയ്യിൽ കെട്ടിവച്ച് നിരപരാധിയായ അന്യമതക്കാരനെ കുത്തിക്കൊല്ലാന് പോകാനുള്ള സ്പിരിറ്റ്‌ (ആത്മാവ്) ലഭിക്കും! 

പിശാചിന്റെ ശക്തിയും ജ്ഞാനവും ലഭിക്കാന്; പൈശാചിക കാര്യങ്ങള് വായിക്കുകയോ, ചിന്തിക്കുകയോ ദ്യാനിക്കുകയോ, കേള്ക്കുകയോ, കാണുകയോ ചെയ്യുക, പൈശാചിക മനുഷ്യർ പറഞ്ഞ കാര്യങ്ങൾ തുടർച്ചയായി ചിന്തിക്കുക! അവ ഏറ്റു പറയുക! ഉദാ: കുറ്റം പറയുക, തെറിപ്പാട്ട് മുതലായവ! ആഭിചാര പ്രവൃത്തികൾ ചെയ്യുന്നവർ തങ്ങൾക്ക് കൂടുതൽ ശക്തമായി പൈശാചികമായി പ്രവര്ത്തിക്കാന്; നിഷ്കളങ്കരായ കുട്ടികളെ പോലും കൊന്നു(നരബലി നടത്തി) ശക്തികൂടിയ പാപം ചെയ്യാറുണ്ട്! നിർമ്മല മസാക്ഷിക്കു വിരുദ്ധമായി തുടച്ചയായി ചെയ്യുന്നത് വഴി; അത് പ്രവർത്തിക്കുന്ന മനുഷ്യനിൽ പൈശാചിക ശക്തിയും ജ്ഞാനവും വർദ്ധിച്ചു വരുന്നു! മനസാക്ഷി പൈശാചികമായി മാറിവരുന്നു, ഉള്ളിലെ ദൈവശക്തിയും ജ്ഞാനവും കുറഞ്ഞുവന്നു പൂണ്ണമായി ഇല്ലാതായി ആത്മീയ മരണം പ്രാപിക്കുന്നു! അങ്ങനെ തങ്ങൾ പ്രവർത്തിക്കുന്ന സകല തിന്മകളും നന്മയായി അവർക്കു തോന്നുന്നു! തങ്ങളിൽ പിശാച്; അതായത് പൈശാചിക  ശക്തിയും ജ്ഞാനവുമായ എതിർക്രിസ്തുവാണ് വസിച്ചുകൊണ്ട്  തങ്ങളെ നിത്യ നരകത്തിലേക്ക് നയിക്കുന്നത് എന്ന വസ്തുതപോലും അവർ അറിയുന്നില്ല!

പിശാചിൽ വിശ്വസിക്കാത്തവരിൽ പോലും പിശാചിന്‌ വസിക്കാം! അതുപോലെ തന്നെ ദൈവത്തിൽ വിശ്വസിക്കാത്തവരിൽ ദൈവത്തിന് അതായത്: ദൈവത്തിന്റെ ശക്തിയും ജ്ഞാനവുമായ ക്രിസ്തുവിന് വസിക്കാം, അവരെ നിത്യജീവനിലേക്കു നയിക്കാം! സ്വയമോ അപരനോ ദോഷകരമാകാതെ നന്മ പ്രവർത്തിക്കുന്നവരിൽ പ്രവർത്തിക്കുന്ന ശക്തി പലപ്പോഴും ദൈവത്തിന്റെ ശക്തിയും ജ്ഞാനവും തന്നെ! "..ആകാശത്തിനു താഴെയുള്ള എല്ലാ സൃഷ്‌ടികളോടും സുവിശേഷം പ്രസംഗിക്കപ്പെട്ടിട്ടുണ്ട്‌." (കൊളോസിയൻസ് 1:23). എന്നാൽ; പാരമ്പര്യം, നന്മയോ തിന്മയോ ജന്മനാ അറിയില്ലാത്ത ബുദ്ധി സ്ഥിരത ഇല്ലാത്ത രോഗാവസ്ഥ ഇങ്ങനെ ഉള്ള ചില മനുഷ്യരിൽ പ്രത്യേക കാരണങ്ങൾ ഒന്നും തന്നെ ഇല്ലാതെ, തങ്ങളുടെ മാതാപിതാക്കളിൽ നിന്നോ, തങ്ങളെ ശക്തിയായി സ്നേഹിക്കുന്നവരിൽ നിന്നോ പൈശാചിക ശക്തിയും ജ്ഞാനവും ആവഹിക്കപ്പെട്ട അവസ്ഥയിൽ ഇരിക്കാം. അതുപോലെ തന്നെ തിരിച്ചും സംഭവിക്കാം! 

ദൈവത്തിനു മതമോ ജാതിയും ഇല്ല, അവിടുന്ന് ആരുടെയും ആരാധന ചോദിച്ചു പിറകെ നടക്കുന്നില്ല! (എന്താണ് ദൈവഭക്തി എന്നത് ഈ വെബ്സൈറ്റിലെ ഒന്നാമത്തെ അദ്ധ്യായത്തിൽ നിന്നും പഠിക്കുമെല്ലോ). തന്നെ ആരാധിക്കാത്തവരെ ഉപദ്രവിക്കാൻ നടക്കുന്നവനാണ് ദൈവം എന്ന് മാനുഷികമായി ചിന്തിക്കരുത്! ദൈവത്തിനു മതമുണ്ട്, ജാതിയുണ്ട്, വർണ്ണമുണ്ട്, വർഗ്ഗമുണ്ട്  എന്നൊക്കെ ചിന്തിക്കരുത്. തിന്മയെ വെറുത്തു നന്മ പ്രവർത്തിക്കുന്ന ഏവരിലും അങ്ങനെ പ്രവര്ത്തിക്കാന് അവരെ പ്രേരിപ്പിക്കുന്ന ജ്ഞാനവു ശക്തിയുമായി  ക്രിസ്തുവസിക്കുന്നു!  

''ക്രിസ്തു'' ഭൂമിയിൽ വസിക്കുന്ന പാപികളായ മനുഷ്യരിൽ പോലും കടന്നുകയറി മനസാന്തരപ്പെടുത്തി  അവരെ നയിച്ച് നിത്യതയിൽ നിത്യജീവനിലേക്ക് കൂട്ടിക്കൊണ്ടുപോകാൻ തുടങ്ങിയത്  മനുഷ്യനായി പിറന്ന യേശുക്രിസ്തു, ജീവദാതാവായ ആത്മാവായി മനുഷ്യരിൽ പ്രവേശിക്കാന് തുടങ്ങിയശേഷമാണ്! പരിശുദ്ധ ആത്മാവ് ഹൃദയത്തിലേക്ക് പകരപ്പെടുന്നു! [2,കോറി 1:22]. ജീവദാതാവായ യേശുക്രിസ്തുവിന്റെ ആത്മപ്രവേശം എന്ന ഈ പ്രക്രിയ അഥവാ ''അനുഭവം'', മനുഷ്യർക്ക് ഹൃദയത്തിൽ അനുഭവിച്ചു അറിയാൻ കഴിയുന്ന അനുഭൂതിയാണ്. അതുപോലെ തന്നെ പല പൈശാചിക ബാധകളും ശ്രദ്ധിച്ചാൽ മനുഷ്യർക്ക് തിരിച്ചറിയാം. എന്നാല്, ചിലവ ദൈവിക മനുഷ്യർക്ക് അതായത് ദൈവത്തിന്റെ ശക്തിയും ജ്ഞാനത്താലും ജീവിക്കുന്ന മനുഷ്യർക്ക്‌ മാത്രമേ ചില മനുഷ്യരിൽ വസിക്കുന്ന പൈശാചിക ശക്തിയും ജ്ഞാനവുമായ എതിർക്രിസ്തുവിനെ തിരിച്ചറിയാൻ കഴിയൂ!

പൈശാചിക ശക്തിക്കും ജ്ഞാനത്തിനും ഒരു മനുഷ്യനിൽ നിന്നും മറ്റൊരു  മനുഷ്യനിലേക്ക് മനുഷ്യ സംസാരമോ മാനുഷിക പ്രവൃത്തികളോ കൂടാതെ, ഒരാളിൽ നിന്നും മറ്റൊരാളിലേക്ക് കടന്നു കയറാൻ സാധിക്കുന്നതുപോലെ തന്നെ, ക്രിസ്തുവിനും ഒരു മനുഷ്യനില് നിന്നും മറ്റൊരു മനുഷ്യനിലേക്കോ അനേകം മനുഷ്യരിലേക്കോ വാക്കും പ്രവർത്തിയും കൂടാതെ കടന്നുകയറാൻ കഴിയും. ഇതാണ് ആധുനിക കാലസുവിശേഷം! പാപികളായ മനുഷ്യരിലേക്കും, ക്രിസ്തുവിനെ അറിയാത്ത മനുഷ്യരിലേക്കും ആരും കേൾക്കാതെയും അറിയാതെയും തങ്ങളില് നിന്നും ക്രിസ്തുവിനെ വ്യാപരിപ്പിക്കുക! അങ്ങനെ അവരെ പടിപടിയായി പൈശാചിക അടിമത്വത്തിൽ നിന്നും മോചിപ്പിച്ചു ക്രിസ്തുവിൽ ക്രിസ്തുവിനായി ദൈവമഹത്വത്തിനായി പിടിച്ചെടുത്തു ആത്മാക്കളെ നേടി ഫലം പുറപ്പെടുവിക്കുന്ന മുന്തരിവള്ളിയായി നാം മാറണം!  ഇങ്ങനെ പ്രവർത്തിക്കാൻ ക്രിസ്തുവിന്റെ സുവിശേഷകർ പഠിക്കണം! അതായത്; വിശുദ്ധ പൗലോസ്, "ശാരീരികമായിട്ടല്ലെങ്കിലും ആത്‌മീയമായി ഞാന്‍ അവിടെ സന്നിഹിതനായി"(1കോറിന്തോസ് 5:3). നടന്നപോലെ! അപ്രകാരം ക്രിസ്തുവിന്റെ സുവിശേഷം പ്രചരിപ്പിച്ചു ആത്മാക്കളെ ബന്ധിച്ചു പിടികൂടി രക്ഷിക്കുന്നതിനെ  അതിനെ ആർക്കും തടയാനും സാധ്യമല്ല! ഇപ്രകാരം; അന്ധരും ബധിരരുമായ മനുഷൃലേക്ക്പോലും സംസാരമോ മറ്റു  ശാരീരിക പ്രവൃത്തികളോ കൂടാതെ ആത്മാവിൽ നിന്ന് ആത്മാവിലേക്ക് ക്രിസ്തുവിനെ പകർന്നുകൊടുക്കാൻ സാധിക്കുന്നു! 

ക്രിസ്‌തുവിനെപ്പറ്റിയുള്ള (ദൈവത്തിന്റെ ശക്തിയും ജ്ഞാനത്തെയും കുറിച്ചുള്ള)  പ്രസംഗം. (ദൈവത്തിന്റെ സന്‌ദേശം), "അവര്‍ കേട്ടിട്ടില്ലേ എന്നു ഞാന്‍ (ദൈവം)  ചോദിക്കുന്നു. തീര്‍ച്ചയായും ഉണ്ട്‌. എന്തെന്നാല്‍, അവരുടെ (മനുഷ്യരെ നന്മയിലേക്ക് പ്രജോദിപ്പിക്കുകയോ പ്രേരിപ്പിക്കുമായോ ചെയ്യുന്ന  ദൈവശക്തിയും ജ്ഞാനവും നിറഞ്ഞവരുടെ ആത്മാവിലുളള)  ശബ്‌ദം ഭൂമി മുഴുവനിലും വ്യാപിച്ചിരിക്കുന്നു; അവരുടെ വചനങ്ങള്‍ ലോകത്തിത്തിന്റെ  സീമകള്‍വരെയും."(റോമാ 10:17,18). പൈശാചിക ശക്തിയും ജ്ഞാനവുമായ എതിർക്രിസ്തു നിറഞ്ഞവരുടെ മനുഷ്യരെ തിന്മയിലേക്ക് നയിക്കാനുള്ള ആത്മപ്രജോതനവും പ്രേരണയും അദൃശ്യമായി ലോകം മുഴുവനിലും നിറഞ്ഞിരിക്കുന്നു! "ആകാശത്തിനു താഴെയുള്ള എല്ലാ സൃഷ്‌ടികളോടും സുവിശേഷം പ്രസംഗിക്കപ്പെട്ടിട്ടുണ്ട്‌..."(കൊളോസ്സ്യർ 1:23).

"പ്രിയപ്പെട്ടവരേ, എല്ലാ ആത്മാക്കളെയും നിങ്ങള്‍ വിശ്വസിക്കരുത്; ആത്മാക്കളെ പരിശോധിച്ച്, അവ ദൈവത്തില്‍ നിന്നാണോ എന്നു വിവേചിക്കുവിന്‍....." (1 യോഹന്നാ‌ന്‍ 4:1). യേശുവിനെ ഏറ്റുപറയാത്ത ആത്‌മാവ്‌ ദൈവത്തില്‍ നിന്നല്ല! അത് അന്തിക്രിസ്‌തുവിന്റെ  ആത്‌മാവാണ്‌! (1 യോഹന്നാന് 4:3). യേശുവിന് ചേർന്ന പ്രവൃത്തികള് കൊണ്ട് (ആത്മാവിന്റെ ഫലങ്ങൾകൊണ്ട്) യേശുവിനെ ഏറ്റുപറയുന്ന ആത്മാവ് മാത്രമാണ് ദൈവത്തിൽ നിന്നുള്ളത്! കാരണം: പിശാചുക്കളും പിശാച് ബാധിതരും വെറുതെ വായ്കൊണ്ട് യേശുവിനെ ഏറ്റുപറഞ്ഞു അംഗീകരിക്കുന്നത് വേദപുസ്തകത്തിൽ കാണാം!(ലൂക്കാ 4:41), (യാക്കോബ് 2:19), etc.....  അതിനാൽ തന്നെ, "പ്രവൃത്തികള്‍കൂടാതെയുള്ള വിശ്വാസം അതില്‍തന്നെ നിര്‍ജീവമാണ്‌." (യാക്കോബ് 2:17).  "ഓരോ വൃക്ഷവും ഫലം കൊണ്ടു തിരിച്ചറിയപ്പെടുന്നു.."(ലൂക്കാ 6:44). ദൈവത്തിന്റെ ശക്തിയും ജ്ഞാനവുമായ ക്രിസ്തുവസിക്കുന്നവരിൽ ഇത്തരത്തിലുള്ള "ആത്മാവിന്റെ ഫലങ്ങള്‍ - സ്‌നേഹം, ആനന്ദം, സമാധാനം, ക്ഷമ, ദയ, നന്‍മ, വിശ്വസ്തത,  സൗമ്യത, ആത്മസംയമനം ഇവ ഉണ്ടാകും..."(ഗലാത്തിയാ 5: 22,23). ഇവയുടെ വ്യാജ ദാനങ്ങൾ പൈശാചിക ശക്തിയും ജ്ഞാനവുമായ എതിർക്രിസ്തുവിന്റെ ആത്മാവ് ഉണ്ടാക്കുന്നതുകൂടാതെ "വ്യഭിചാരം, അശുദ്ധി, ദുര്‍വൃത്തി, വിഗ്രഹാരാധന, ആഭിചാരം, ശത്രുത, കലഹം, അസൂയ, കോപം, മാത്‌സര്യം, ഭിന്നത, വിഭാഗീയചിന്ത, വിദ്വേഷം, മദ്യപാനം, മദിരോത്‌സവം ഇവയും ഈ ദൃശമായ മറ്റു പ്രവൃത്തികളുമാണ്." (ഗലാത്തിയാ 5:19-21) ഉണ്ടാക്കുന്നു! ദൈവാത്മാവിലുള്ളവർ ഇത്തരം വികാരങ്ങളെ മരിപ്പിച്ചു നിര്ത്തുന്നു! അഥവാ; ഇവയെ  ജയിച്ചു നിൽക്കുന്നതിനാൽ എത്ര വലിയ പൈശാചിക പ്രജോതനമോ, പ്രകോപനമോ, പ്രലോഭനമോ ഉണ്ടായാലും, അതില് തോറ്റു; പൈശാചിക ആത്മാവ് ഉള്ളില് പ്രവേശിക്കാതെ ചെറുത്തുനിന്നു ജീവിക്കുന്നു! ദൈവാത്മാവിന്റെ ദാനങ്ങള് എപ്പോഴും; ദൈവശക്തിയും ജ്ഞാനവും വർദ്ധിപ്പിക്കുന്നതും; ദൈവനാമം മഹത്വപ്പെടുന്നതും, മനുഷ്യരെ നിത്യജീവനിലേക്കു നയിക്കുന്നതുമായിരിക്കും! NB: സംസാരിക്കാനും കഴിവില്ലാത്തരും, യേശുവിനെ കുറിച്ച് ഒരിക്കലും  കേട്ടിട്ടില്ലാത്തവരുമായ മനുഷ്യരും; പ്രവൃത്തികൾ വഴി അവർ അറിയാതെ യേശുവിന്റെ ആത്മാവില് (ദൈവത്തിന്റെ ആത്മാവിൽ) വസിക്കാറുണ്ട്! 

പൈശാചിക ശക്തിയും ജ്ഞാനവും ഉള്ളിൽ കടന്നു കയറി ഒരു മനുഷ്യനെ നയിച്ച് അതിന്റെ അടിമയാക്കാതെ എത്രമാത്രം ചെറുത്തു നില്ക്കാന് സാധിക്കുമോ, അത്രമാത്രം ദൈവശക്തിയും ജ്ഞാനവും അയാളിലേക്ക് കടന്നു വരുന്നു അതിൽ ശക്തിപ്രാപിക്കുന്നു, അയാളെ ദൈവമക്കളുടെ പക്ഷത്തു ചേർത്തുനിർത്തുന്നു! കൂടുതൽ പരീക്ഷകൾ സഹിച്ചു ദൈവശക്തിയിലും ജ്ഞാനത്തിലും നിലനിൽക്കുന്നവർ കൂടുതൽ കൂടുതൽ  കരുത്തരായിവരുന്നു!  പരീക്ഷയിൽ തോറ്റു പൈശാചിക ശക്തിക്കും ജ്ഞാനത്തിനും തുടർച്ചയായി കീഴ്‌പ്പെടുന്നവർ പൈശാചിക ശക്തിയിലും ജ്ഞാനത്തിലും ശക്തിപ്രാപിച്ചു വരുന്നു! കൊതുക് കുത്തിയാൽ പോലും തെറിവിളിച്ചു തങ്ങളിലെ പൈശാചിക ശക്തിയും ജ്ഞാനവും അറിയാതെ  വർദ്ധിപ്പിക്കുന്ന മനുഷ്യരുണ്ട്! രക്ഷപ്പെടാമായിരുന്നിട്ടും ക്രൂശിലെ അസഹനീയ വേദനയും പരിഹാസവും ക്ഷമയോടെ സഹിച്ചുനിന്നു ക്രൂശിച്ചവർക്കു വേണ്ടി പ്രാർത്ഥിച്ചു യേശുപൈശാചിക ആത്മാവിന് കീഴ്‌പ്പെടാതെ വിജയകരമായി പിടിച്ചു നിന്നും! ദൈവശക്തിയിലും ജ്ഞാനത്തിലും (ക്രിസ്തുവിൽ) കൂടിയ ആളുകൾക്ക് തങ്ങളിലെ ശക്തിക്കനുസരിച്ചു മറ്റുള്ളവരിലെ പൈശാചിക ശക്തിയും ജ്ഞാനവും(എതിർക്രിസ്തുവിനെ) പുറത്താക്കി ദൈവമക്കളുടെ പക്ഷത്തേക്ക് നിത്യജീവൻ അഥവാ ക്രിസ്തുവിനെ പകർന്നു കൊടുത്തു പിടിച്ചെടുക്കാൻ കഴിയുന്നു! 

എങ്ങനെ മനുഷ്യരില് നിന്നും വസ്തുക്കളില് നിന്നും പക്ഷി മൃഗാതികളില് നിന്നും  പിശാചിനെ തിരിച്ചറിഞ്ഞു  പുറത്താക്കാം എന്ന്, സത്യവേദം പറയുന്നത്  മറ്റൊരു ആദ്യായത്തില് നോക്കാം. സത്യദൈവം തന്റെ ക്രിസ്തുവിൽ  നിങ്ങളെ അനുഗ്രഹിക്കട്ടെ! ആമേൻ. 

Author Name

Admin

Contact Form

Name

Email *

Message *

Powered by Blogger.